Opus 144/ 1979
Zum Fürchten ist Verstand nötig, zumindest
Vorstellungskraft, um sich die Folgen unseres Tuns auszumalen.
Bist du zbled, dass da fiachst?
Blind und taub, dass d nix miakst?
Schau, in deina goidan Schtai -
soifans de s ganze Johr lang ei,
s ganze Johr lang ei.
Kriagst a paar Freiheitsschpeitl,
mochst da ab und zua an andan Scheitl.
Mit Glotzn, Fressn und Saffa,
loß de owei, owei wieda kaffa.
Drum bist aa a Übahoia,
a oita Saejbaokoia,
tauscht dei Oawat geng Benzin,
sehgst in deim Lem koan andan Sinn.
D Atomkraft hod de no goa nia gschtead
außa, dass ma sovaej davo head.
Atomraketn, Kampfgas, Blei in da Wuascht,
hod hechstns Einfluß aaf dein Duascht!
Ja, saejbst da schteabade Woid,
loßt de imma no koit!
Solang da neamad an Fernseha schtaejht,
juckt de anscheinend nix aaf da Waejd!
Fiachst koi Faschistn und koa Gwoit,
waa die zuerst die Andan hoid.
Fiachst koa Bürokratn, koi Generale,
ois is dir wurscht! Bist a rechta Laale!
Wia a Kitz hoidst de schdaad,
obwoi da Bulldog längst maahd.
Glaub ned, dass eahm vor dia s Benzin ausgeht,
schpring liaba aaf, waa
sunst is z spät!