Ja, wea sitzt denn do scho wieda

Opus 206/ 1981

Täglich passieren unzählige Schweinerein. Nur ein Bruchteil davon wird bekannt. Davon paßt wieder nur ein kleiner Teil in eine Zeitung. Wer wählt diesen aus? Wer bestimmt, wie und in welcher Form darüber berichtet wird?

Ja, wea sitzt denn do scho wieda,

wieda aaf da Leitung?

Sehgst nix dovo im Fernseha

und lesd nix in da Zeitung!

Blei im Fisch

schteht am Tisch,

Kadmium gibts aa heit.

DDT im Kaffee.

mei, an sich koa Neuigkeit.

Und d Leit sang: "s is nix zum sehng,

weama scho ne hi wean!

Am Bestn goa ned driba reen,

waa irgndwann meaß ma eh schteam!"

Hunga in da Drittn Waejd,

waa s Land ghead dene Reichn,

oda unsren Konzernen,

und die gehngand üwa Leichn.

Kaffee, Tabak, Zucka, Baumwoi,

bringand Dollars im Export,

schtatt dass ebbs zum Essn obaun,

betreibn s fleiße Völkamoad.

Hint im Woid, wo s laut hoid,

weand heit Baam ogschnittn.

Bagga, Raupn, Wossaweafa

ztremmend a paar Hittn.

Dann wiad wos baut, dem koana traut,

drum schteht aa duat a Maua,

und dahinta und davoa

lieng Menschn aaf da Laua...

Atomraketn, Leit die betn,

und übaroi Tieffliega,

und wenns rengt,

dann rengts heit Gift

aaf unsa Hoamat nieda.

Und die paar, die protestian,

kriang grod a paar aaf d Finga,

wenn se ned boid mehr engaschian

kimma niamois mehr gwinga.