Opus 269/ 1984
Wie man in den Wald ruft, so hallt es zurück. Druck erzeugt
Gegendruck. Wie du mir, so ich dir. Wer Wind sät, wird Sturm ernten. Wer andern
eine Grube gräbt... usw.
Wea Gift saat wiad Gift eantn,
wea Haß saat eant an Haß.
Wea aaf andre mitm Wossa schpritzt,
wiad dabei saejba naß.
Wea vodummt braucht se ned wundan,
wenna saejba bleda wiad.
Wea d Leit miad mocht, des sog enk,
wiad dabei saejba miad.
Wea schreit, dem wiad aa zruckgschrian,
wea luigt, dea wird oglong.
Wea andare abkraglt,
dem gehts saejba no an Krong.
Wea bscheißt wiad saejba bschißn,
wea schtaejht wiad saejba bschtoihn.
Wea andre in d Gruam eischtesst,
wiad no saejba einefoin.
Drum Leit, probia mas andast,
am End kimmts Guade aa retour.
Haejf ma uns gegnseite,
waa zum Haejfa gibts heit gnua!
Votrau ma unsam Nachbarn,
weads sehng, dass asses miakt!
Waa Liab kann grod erwoatn
wea zeascht die Andan liabt!