Opus 458/ 1996
Schwer verdient sich sein Geld wer Skrupel hat und Ideale, reich werden
kann ein solcher Mensch niemals.
Am Fuhrmo deaf koa Baam daboama,
beim Plechafohn meassada woana,
ea muaß aaf d Schtraß schau und muaß loitn,
ea muaß blinka, bremsn,
schoitn.
Am Metzga deaf koa Sau daboama,
sunst meassada beim Metzgan woana,
ea muaß schtecha, schnei und hau,
und deaf ned mitfaejhn mit da Sau.
Am Soidatn deaf koa Feind daboama,
sunst meassada beim Schuißn woana,
ea muaß doa, wos ma eahm sogt,
und dassa ja nia nachefrogt!
Am Gaejdmo deaf koa Mensch daboama,
sunst meassada an da Böasn woana,
ea muaß grod sei wia a
Hecht
und deaf ned frogn nach Sinn und Recht.
Am Kanzla deaf koa Mensch daboama,
sunst meassada beim Regian woana,
ea muaß doa, mit eahm d Fraktion
wos ehrane Lobbyistn song.